CBSE 12th Results: இன்று பிற்பகல் 2 மணிக்கு வெளியீடு


சிபிஎஸ் பிளஸ் 2 முடிவுகள்: பிற்பகல் 2 மணிக்கு வெளியீடு
சிபிஎஸ்இ பிளஸ் 2 மாணவர்களுக்கு தேர்வு நடைபெறாத நிலையில் இன்று பிற்பகல் 2 மணிக்கு முடிவுகள் வெளியிடப்படுகிறது.
இந்தியாவில் கோவிட் பரவல் காரணமாக கடந்த கல்வியாண்டில் சிபிஎஸ்இ பாடத்திட்டத்தின் கீழ் பயின்ற 10 மற்றும் 12ம் வகுப்பு மாணவர்களுக்கு தேர்வு ரத்து செய்யப்பட்டது. அவர்களுக்கான மதிப்பெண்கள் வழங்கும் முறையை சிபிஎஸ்இ அறிவித்தது. அதன்படி, 10 மற்றும் 11-ம் வகுப்புகளில் எடுத்த மதிப்பெண்கள் 30 சதவீதமும், 12-ம் வகுப்பு பருவத் தேர்வு, செய்முறைத் தேர்வுகளில் எடுத்த மதிப்பெண்களில் 40 சதவீதமும் கணக்கிட்டு மதிப்பெண் வழங்கப்படும் என அறிவிக்கப்பட்டது.
இந்நிலையில், அந்த மதிப்பெண் முடிவுகளை இன்று பிற்பகல் 2 மணிக்கு www.cbse.nic.in என்ற இணையதளத்தில் வெளிடப்படும் என சிபிஎஸ்இ நிர்வாகம் அறிவித்துள்ளது. மேலும், மதிப்பெண் கணக்கீட்டை ஏற்காத மாணவர்கள் கோவிட் பெருந்தொற்று குறைந்த பிறகு தேர்வெழுத அனுமதிக்கப்படுவார்கள்.


Leave a Comment